Şəxsi şəhadət:

"Adətən insanlar “qohumlar nə deyər?” və yaxud “qonşular nə cür baxar?” fikirləri ilə öz daxilindən gələn istək və qərarları kənara qoyurlar. Mən də belə mövqedə idim, amma ölüm ilə rastlaşanda daxilimdə mənə rahatlıq verməyən bir sual baş qaldırdı “insan öləndən sonra nə olur?”. Müxtəlif kitabları oxuduqdan sonra və videolarla baxandan sonra heç bir qənaətbəxş edən cavab tapmadıqda ənənəvi dinlə maraqlanmağa başladım, lakin çoxlu sayda “bir Allah bilir öləndən sonra nə olur!” cavabını eşidəndə başa düşdüm ki, bu sualın cavabını tapmaq mənə nəsib olmayacaq. Elə uşaqlıdan babam bir atalar sözünü tez-tez deyirdi: “hər şeyin çarəsi var – bir ölümdən başqa” xatirələri də məni artıq əmin etdi ki, cavab axtarmaq əbəs yerə vaxt itirməyə bərabərdir. Bir müddət bu fikirdən əl çəkmək istədim, amma cəhdlərim boşa çıxdı. Birinci Qarabağ müharibəsində iştirak edərkən səngərdə dostlarım və silah yoldaşlarımın gözlərinə baxanda böyük bir intizarın oların varlığına təsir etdiyini hiss edirdim, çünki hamı ölümün sanki ğözünə baxırdı. Döyüşdə yaralandıqdan sonra uzun müddət mualicə aldım. Bir neçə müddətdən sonra yaxın bir tanışım vasitəsilə İncil Kitabını əldə etdim. Sərbəst vaxtlarımda bu kitabı oxumaqla keçirirdim. Həvari Yəhyanın nəql etdiyi müjdəni oxuyanda orada İsa Məsihin dediyi: «Dirilmə və həyat Mənəm. Mənə iman edən ölsə də, yaşayar, yaşayıb Mənə iman edən də heç vaxt ölməz. Buna inanırsanmı?» - sözlərini oxuyarkən, nəhayət ki, məni narahat edən suala cavab tapdım. Ölümdən sonra həyat mövcuddur, yəni “hər şeyin, hətta ölümə belə çarə var” – bu İsa Məsidir. Mən Onun ölüm üzərində hakimiyyət Sahibi olduğuna iman etdim və əbədi həyata qovuşmağa nail oldum. Əlbəttə qohum və qonşularım bundan xəbər tutanda heç də birmənalı münasibət göstərmədilər, lakin bu məni artıq narahat etmirdi. Vacib olan Rəbbin mənə olan münasibəti idi və mən bu günə qədər bu mövqedəyəm".  İncil Kitabında belə deyilir: "əgər sən İsanın Rəbb olduğunu dilinlə iqrar edib Allahın Onu ölülər arasından diriltdiyinə ürəkdən inansan, xilas olacaqsan. Çünki insan ürəkdən iman etməklə saleh sayılır və dili ilə iqrar etməklə xilas olur". Amin!

“Ey bütün yorğunlar və yükləri ağır olanlar, Mənim yanıma gəlin, Mən sizə rahatlıq verərəm.” İsa Məsih